Монгол улсын Ерөнхий сайд У.Хүрэлсүх яамдын үйл ажиллагаатай ээлж дараалан танилцаж байгаа. Энэ удаад эрүүл мэндийн салбар, тэр дундаа ЭМЯ-ны удирдлагуудтай уулзаж байна. 

Ерөнхий сайд өнөөдөр өглөө "Эрүүл мэндийн хөгжлийн төв"-ийн үйл ажиллагаатай танилцаад, улмаар дөнгөж сая УНТЭ-ийн удирдлагуудтай уулзлаа. 

Уулзалтын үеэр Ерөнхий сайд "Иргэн бүрийг жилд нэг удаа урьдчилан сэргийлэх үзлэгт хамруулдаг болъё хэмээн зорьж байна. Ингэснээр хүндэрсэн хойно нь биш, өвчнийг даамжрахаас нь өмнө эмчилдэг болно" зорилго, зорилтынхоо талаар ярилаа.

Энэ ажлын эхлэл болгож боловсролын салбарын ажиллагсдыг УНТЭ-т багц шинжилгээнд хамруулах явцтай танилцлаа. Багц шинжилгээнд хамрагдсан багш, ажиллагсад талархаж байгаагаа илэрхийлэв. 

---