Ерөнхийлөгч Х.Баттулга Увс аймагт ажиллах үеэрээ говийн бүсэд өрнөж буй төмөр замын бүтээн байгуулалтын ажлын талаар иргэдэд мэдээлэл өгчээ.

Төмөр замын их бүтээн байгуулалтад оролцож буй монгол инженер залуус дээд тал нь таван сая, доод тал нь хоёр сая зургаан зуун мянган төгрөгийн цалин авч байгааг тэрбээр тодотгохын ялдамд Увсын иргэдийн сонорыг мялаасан нэгэн зүйлийг хэлсэн нь баруун аймаг руу төмөр зам тавих тухай асуудал байв.

Тэрбээр зүүн, төв бүс нутаг төмөр замд дөрөөлөн хурдацтай хөгжих учраас баруун бүсийг дэд бүтэцтэй болгох асуудалд анхаарал хандуулах цаг болсон. Тодруулбал, хөгжлийн амин судас болох төмөр замыг  баруун аймаг руу тавьснаар алслагдсан бүсийн малчдын орлого нэмэгдэж, төмөр замаар тээвэрлэсэн бараа, бүтээгдэхүүний үнэ буурна хэмээн хэлсэн байна.

---