Засгийн газраас улс оронд тогтоосон онцгой байдлын дэглэм журмыг зөөллөсөнтэй холбогдуулан хоёр настай хүүхдийг улсын болон өдөр өнжүүлэхэд бүртгэхээр болсон.

Нийслэлийн төрийн өмчийн цэцэрлэгт хамрагдах хүсэлтэй хоёр настай хүүхдүүдийг өнгөрсөн баасан гарагийн 09.00 цагаас эхлэн https://tsetserleg.ulaanbaatar.mn/ цахим хуудсаар дамжуулан цахимаар бүртгэж эхэлсэн бөгөөд уг бүртгэл дуусахад 1 хоног 3 цаг үлдээд байна.

Хоёр настай хүүхдүүдийг цэцэрлэгт хамруулахгүй гэдэг шийдвэрийн улмаас 79 мянган гаруй эцэг эхчүүд ажил хөдөлмөрөө хэвийн үргэлжлүүлэх боломжгүйд хүрсэн учраас хорио цээрийн дэглэмээ зөөллөх шийдвэрийг гаргаад байгаа бөгөөд 2020 оны есдүгээр сарын 21-ний өдрийн 16.00 цагаас сонгогдсон хүүхдүүдийн эцэг эхчүүдийн бүртгэлтэй гар утсанд мэдээлэл очих юм байна.

---