Төр нийгмийн нэрт зүтгэлтэн Ю.Цэдэнбал агсны мэндэлсний 104 жилийн ой тохиож байна. Ойг тохиолдуулан түүний хөшөөнд хүндэтгэл үзүүлж байна...

Цэцэг өргөх ёслолын ажиллагаанд УИХ-ын дарга Г.Занданшатар, Шадар сайд Я.Содбаатар нар болон УИХ-ын гишүүд оролцож байна. 

УИХ-ын дарга Г.Занданшатар: 

-XX зуунд Монгол улсын сэргэн мандлыг удирдсан Ю.Цэдэнбал даргын үйл хэргийг дурсаж гүнээ хүндэтгэх, мөнхийн гавьяаг үүрд дурсах өдөр тохиож байна. Ю.Цэдэнбал нь МАН-ын дарга болсны 80 жилийн ой мөн тохиож байна. 

Энэ эрхэм хүний түүхэн зүтгэлээр Монгол улс НҮБ-ын гишүүн болж, МУИС зэрэг сургуулиуд байгуулагдан, бичиг үсэгтэй Азийн анхны улс болж байлаа. Эрдэнэт үйлдвэр, УБТЗ-ыг тавин, хүн амаа эрүүлжүүлэх үйлсийг гардан удирдаж, мал аж ахуйн орныг 40 жилийн хугацаанд мал аж ахуй, хөдөө аж ахуйн хосолмол улс болгосон юм. 

---