Нийслэлийн боловсролын газраас хоёр настай хүүхдийн цэцэрлэгийн элсэлт бүртгэл, сургуулийн автобусын талаар мэдээлэл хийлээ.

Боловсрол, шинжлэх ухааны сайдын “хичээл сургалтын ажлыг хэвийн горимоор шилжүүлэх талаар авах арга хэмжээний тухай 2020 оны есдүгээр сарын 14-ний өдрийн А/63 тушаалын хэрэгжилтийг ханган цэцэрлэгийн сургалт үйл ажиллагааг онцгой нөхцөлд хэвийн горимоор зохион байгуулах ажлын хүрээнд хоёр настай хоёр настай хүүхдийг элсүүлэх” болсон.

Цэцэрлэгийн цахим бүртгэл 2020 оны есдүгээр сарын 18-ны 09:00 цагаас 2020 оны есдүгээр сарын 21-ний 14:00 цагт дуусна. Тус бүртгэлийг www.tsetsrleg.ulaanbaatar.mn системээр бүртгүүлнэ. Цахим бүртгэл хаагдсаны дараа цэцэрлэг тус бүр дээр элсэлтийн үйл ажиллагаа зохион байгуулагдах юм. Бүртгэл үргэлжлэх хугацаанд тухайн цэцэрлэг бүр дээр иргэдэд туслах ажилтан ажиллана.

Нийслэлийн боловсролын газрын дарга Ж.Гантулга:

-Нийслэлийн хэмжээнд 10 мянга гаруй хоёр настай хүүхдийг цэцэрлэгт хамруулахаар бэлтгэл ажлаа хангаж байна. Эдгээрээс 80 орчим хувийг цахим бүртгэлээр авна. Үлдсэн 20 хувийг багш ажилчдын хүүхдүүдийг авахыг зорьж буй. Үлдсэн цэцэрлэгт хамрагдаагүй хүүхдүүдийг хүүхэд харах үйлчилгээнд хамруулна. Нийслэлийн хэмжээнд 1800 хүүхдийг хүүхэд харах үйлчилгээнд хамруулна.

---