Жил бүрийн есдүгээр сарын 15-наас айл өрхүүдийн дулааныг өгч эхэлдэг. Харин албан байгууллагуудын дулааныг аравдугаар сарын 01-ээс өгдөг.

Улаанбаатар дулааны сүлжээ ТӨХК-ийн мэдээлснээр хуваарийн дагуу өчигдрөөс айл өрх, орон сууцны дулааныг өгч эхэлжээ. Хотын баруун бүсийн орон сууцны айл өрхүүд халаалтад холбогдсон бол өнөөдрөөс зүүн хэсгийн дулааныг холбох юм байна.

Гэхдээ дулаанаа урьдчилж авах хүсэлтэй ААНБ Улаанбаатар дулааны сүлжээ ТӨХК-нд хандах боломжтой.

Энэ жил өвөлжилтийн бэлтгэл хангах хүрээнд цахилгаан дулааны эх үүсвэр болон инженерийн хангамжийн байгууллага, харьяа газар, дүүргүүд 1356 ажил төлөвлөснөөс өнөөдрийн байдлаар гүйцэтгэл 80 хувьтай байгаа аж.

---