АНУ-ын Калифорни мужид ойн түймэр газар авснаас Бэй Эриагийн оршин суугчид Ангараг гараг дээр байгаа мэт өглөөг угтжээ.

Учир нь Сан Франциско, Оклэнд, Берклэйд түймрийн улмаас тэнгэрийн өнгө улбар шар, улаан болон хувирч утаат багана татаж, үнс нурам унасан байна. Түймрийн утаа, үнс нарны гэрлийг хааж бүхэлдээ Ангараг гараг дээр байгаа мэт сэтгэгдэл төрүүлэхээр болжээ.

400 орчим км-ын цаана асч буй Крийк болон Норт Комплексийн түймрийн утаа салхины аясаар Бэй Эриад иржээ. Түймрийн улмаас 25 дахь хоногтоо агаарын чанар муудсан үзүүлэлтийг зааж байна. Цаг агаарын өөрчлөлтийн улмаас Калифорни мужийн нутаг дэвсгэрт хэт халж, ган гачиг, ойн түймэр газар авчээ.

Эх сурвалж: CNN, The Guardian

---