Цар тахлын улмаас 300 хоног завсарлаад байсан FIBA 3x3 тэмцээнүүд зохион байгуулагдлаа.
Унгар улсын Депрецен хотноо FIBA 3x3 Debrecen Masters, Hungary Masters, Europe Masters гурван цуврал тэмцээн найм хоногийн турш амжилттай явагдаж дууслаа. Тус гурван тэмцээний хоёрт нь дэлхийн чансааг тэргүүлэгч Сербийн алдарт Лиман баг түрүүлсэн бол дэлхийн чансааны дэд байранд бичигдэх болсон Лативийн Рига баг Hungary Masters тэмцээнд түрүүллээ.
Манай 3х3 сагсанбөмбөгийн үндэсний шигшээ баг, Улаанбаатар ММС Энержи багийн хувьд түүхэндээ анх удаа дэлхийн шилдэг 12 багийн эгнээнд эрэмбэлэгдэх боллоо. Энд Ази тивээс цорын ганц баг гэдгийг нь онцлох хэрэгтэй болов уу.
Манай багийн хувьд Hungary Masters тэмцээнд шигшээ тоглолтод шалгарсан тухай бид өмнө нь мэдээлсэн билээ. Hungary Masters тэмцээнд Улаанбаатар ММС Энержи багийн бүх тоглолтыг бүрэн эхээр нь үзэхийг хүсвэл ЭНД дарна уу.
Харин сүүлийн тэмцээн болох Europe Masters тэмцээнд манай баг дэлхийн тэргүүлэгчидтэй нэг хэсэгт багтсан ба эхний тоглолтоо алдарт Лимантай эн тэнцүүхэн тоглож 20:16 харьцаагаар хожигдсон юм.
Харин хэсгийн сүүлийн тоглолтоо Швейцарийн Луизанне багтай тоглон 21:19 харьцаагаар хожигдлоо. Луизанне багийн хувьд энэ тэмцээнд гуравдугаар байранд орсон юм.
