Тайваньд амьдардаг гурван настай бяцхан охин аварга том цаасан шувуунд орооцолдон, агаарт хэдэн метр өргөгдсөний дараа хүмүүс яаравчлан түүнийг газарт аюулгүй буулгасан байна.

Далайн эргийн ойролцоох Нанлиао хотод өчигдөр буюу наймдугаар сарын 30-ны өдөр болж байсан цаасан шувууны наадмын үеэр уг охин том хэмжээний, урт сүүлт улбар шар цаасан шувуунд орооцолдон, агаарт хөөрсөн аж. Энэхүү явдлыг дүрсэнд буулгасан бичлэгүүдээс харахад охин 30 секундийн турш агаарт мушгиралдан эргэлдээд, эцэст нь түүнийг аврахаар цугларсан хүмүүсийн гарт аюулгүй буусан юм.

Бяцхан охин маш ихээр айж цочирдсон хэдий ч ямар нэгэн бэртэл, гэмтэл аваагүй гэж орон нутгийн хэвлэлүүд мэдээлэв. Энэ үйл явдлын дараа албаныхан тус цаасан шувууны наадмыг зогсоосон байна.

Эх сурвалж: channelnewsasia.com

---