Кембрижийн хөтөлбөртэй сургуулийг Монгол Улсын ерөнхий боловсролын сургуулийн 10 хувьд хүргэнэ гэх санаачилгыг УИХ дээр байгуулагдсан лобби бүлгийн гишүүд гаргаад нийт 62 сургуулийг ийм хөтөлбөртэй болгохоор зорж буй аж. Гэвч энэ нь нийгэмд ялангуяа боловсролын салбарынхны эсэргүүцлийг ихээхэн дагуулж байна. 

Нэгэн судалгаа танилцуулахад 2011 онд Кембрижийн олон улсын төвтэй манай Засгийн газар гэрээ хийн, англи хэл дээр сургалтаа явуулдаг 30 сургууль байгуулна гэсэн шийдвэр гаргасан байдаг. Тухайн үед Азийн хөгжлийн банкны эдийн засагчдын судалснаар олон улсын хөтөлбөртэй сургууль жирийн ерөнхий боловсролын сургуулиас 23 дахин их төсөв хэрэглэж байгааг тогтоожээ.

Харин үүнийг Монгол Улсын төсөв даахгүй учраас гурван сургууль байгуулагдаад зогссон байдаг. Харин өнөөдөр Монгол Улсад ийм өндөр төсөвтэй 62 сургууль байгуулбал юу болох вэ гэдгийг эрдэмтэн судлаачид гайхаж байна. 

 

---