Удтал хүлээлгэсний эцэст Fiba 3x3 сагсанбөмбөгийн цуврал тэмцээнүүд өнөөдрөөс эхэлж байна.
.jpg)
Өнөөдрөөс (наймдугаар сарын 19-ний өдөр) есдүгээр сарын 5-ны өдөр хүртэл гурван тэмцээн дараалан зохион байгуулагдана.
Өнөөдөр эхэлж буй Debrecan Masters 2020 тэмцээнд манай Улаанбаатар ММС Энержи баг оролцоогүй ба есдүгээр сарын 1-2-ны өдөр зохион байгуулагдах Hungary 2020, есдүгээр сарын 4-5-ны өдрүүдэд зохион байгуулагдах Europe 2020 тэмцээнүүдэд оролцох юм.
Улаанбаатар ММС Энержи багийн тамирчид маань Унгар улсын Дебрецен хотноо очоод байгаа ба FIBA-аас гаргасан журмын дагуу хүмүүстэй гар барихгүй, байнгын амны хаалт хэрэглэж аюулгүйн өндөр төвшинд тэмцээндээ оролцох юм.
Тэмцээн Дебрецен хотын алдарт Nagytemplom (Их сүм) -ын өмнөх талбайд болж байна.
Өнөөдөр Debrecan Masters 2020 тэмцээн Сербийн алдарт Лиман болон Австрийн Граз багуудын тоглолтоор эхэлнэ.
