УИХ-ын ээлжит бус чуулган өнөөдөр /2020.08.27/ хаалтаа хийнэ. Ээлжит бус чуулган 08-р сарын 17-ны өдөр нээлтээ хийж, 14 хоног хуралдаад ийн завсарлаж байна. 

Өнөөдөр чуулганы хаалтаас өмнө МАН-ын бүлэг хуралдана. Мөн Төсөв болон Эдийн засгийн байнгын хороод хуралдаж ээлжитб ус чуулганаар хэлэлцсэн асуудлуудын эцсийн хэлэлцүүлгүүдийг хийнэ. 

Харин Төрийн байгуулалтын байнгын хороогоор: 

-Сонгуулийн ерөнхий хорооны гишүүнийг томилох, чөлөөлөх тухай асуудал;
-“Монгол Улсын Их Хурлын 2020 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төслийг хэлэлцэх юм байна. 

Аюулгүй байдал гадаад бодлогын байнгын хороогоор: 

-Монгол Улс, Олон улсын хөгжлийн ассоциаци хооронд байгуулах “Онцгой байдлын үеийн дэмжлэг болон хөдөлмөр эрхлэлтийн төсөл”-ийн Санхүүжилтийн хэлэлцээрийн төслийг хэлэлцэнэ. 

Харин Чуулганы нэгдсэн хуралдаан 14:00 цагт:

-Монгол Улсын 2020 оны төсвийн тухай хуульд өөрчлөлт оруулах тухай болон дагалдах хуулиуд

- “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төсөл

- “Зээлийн хүүг бууруулах стратеги батлах тухай” Улсын Их Хурлын тогтоолын төсөл 

- “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” Улсын Их Хурлын тогтоолын төсөл зэргийг эцэслэн баталсны дараа хаалтаа хийнэ.  

---