БНСУ-ын Засгийн газраас коронавирусийн дэгдэлттэй холбоотойгоор гамшгийн үеийн хохирлыг барагдуулах төлбөрт гадаадын иргэдийг хамруулах шийдвэр гаргажээ.

Өнгөрсөн гуравдугаар сард Сөүл хотын захиргаа коронавирусийн улмаас үүссэн эдийн засгийн хохирлыг даван туулахад туслах зорилгоор бага орлоготой 1.6 сая өрхөд тусламж үзүүлэх зорилгоор 542.3 тэрбум вон (457 сая ам.доллар) олгосон. Тухайн үед солонгос хүнтэй гэрлэсэн гадаад хүн, дүрвэгч иргэнээс бусад бүх гадаадын иргэнийг хөтөлбөрөөс хассан.

Харин энэ удаа хотын захиргаанаас гаргасан тодорхой шалгуурыг хангасан, өрхийн орлого нь дунджаас доогуур, өрхийн тэргүүн нь хөдөлмөр эрхлэх зөвшөөрлийн визтэй гаднын иргэд хүсэлт гаргаж болох юм байна. Хоёр ба түүнээс цөөн гишүүнтэй өрхүүдэд 300 мянга, гурваас дөрвөн гишүүнтэй өрхөд 400 мянга, тав болон түүнээс дээш гишүүнтэй өрхөд 500 мянган вон олгох юм байна.

Тусламжийн мөнгийг арванхоёрдугаар сарын 15-ныг хүртэл урьдчилсан төлбөрт картаар олгох аж. Онлайн мэдүүлгийг энэ сарын 31-нээс есдүгээр сарын 25-ны хооронд Сөүлийн засгийн газрын вэбсайтаас (http://fds.seoul. go.kr) эсвэл Сөүлийн “Глобал” төв, Сөүлийн цагаачдад зориулсан зөвлөгөө өгөх төв зэрэг 40 орчим газраар дамжуулан авах юм байна.

Эх сурвалж: https://www.koreatimes.co.kr/www/nation/2020/08/177_294984.html

---