УИХ-ын чуулган дээр Шүүхийн тухай хуульд нэмэлт өөрчлөлт оруулах тухай хуулийг хэлэлцэх үеэр Улсын дээд шүүхийн Тамгын газрын дарга Ж.Наранпүрэв ирж мэдээлэл өгөв. Түүний хэлж буйгаар Улсын дээд шүүхийн бүрэлдэхүүн дутуу жил гаруй болж буйгаас үүдэн шүүхээр шийдвэрлэгдээгүй хэрэг шүүх дээр овоорчээ.

Улсын дээд шүүхийн Тамгын газрын дарга Ж.Наранпүрэв:

-Дээд шүүхийн Иргэний хэргийн танхим өнгөрсөн онд 3 шүүгчтэй байсан. Энэ үед шүүн таслах ажиллагааг Хяналтын шатны шүүхээр оруулах ямар ч боломжгүй байсан. Бүрэлдэхүүн дутуу учир. Өөр танхимаас шүүгчийг Иргэний хэргийн танхим оролцуулж ажиллуулах эрхзүйн орчин ч бүрдээгүй учраас одоогийн хэрэг овоорох шалтгаан болсон.

Монголын шүүх нэг жил анхан шатны шүүхээр 65 мянга орчим хэрэг шийддэг. Үүний 10 орчим хувь нь давж заалдах шатны шүүхээр, 4-5 хувь нь Хяналтын шатны шүүхээр шийдвэрлүүлдэг. Өөрөөр хэлбэл, нийт оролцогчдын 90 орчим хувь нь Анхан шатны шүүхийн шийдвэрийг хүлээн зөвшөөрдөггүй. Гэвч бүрэлдэхүүн дутуу учраас шийвэрлэлт удсан.

Жич: Салхитын мөнгөний ордтой холбогдсон 17 шүүгчийг чөлөөлснөөр тэдний долоог нь эргүүлж томилсноос хойш дахин томилгоо хийгдээгүй байгаа юм.

---