Цар тахлаас үүдэлтэй хорио цээрийн дэглэм таны хүүхдийн нойр болон унтах цагт хэрхэн нөлөөлж байна вэ. Зарим нэг нь өмнөхөөсөө илүү их хугацааг унтаж өнгөрөөж байгаа бол үлдсэн хэсэг нь эсрэгээрээ бага цаг унтаж, онлайн ертөнцөд илүү их цаг зарцуулах болжээ.

“Хүүхдийн сэтгэл зүй ба сэтгэл судлал” сэтгүүлд “Ковид-19” тахлын үед хүүхэд, өсвөр насныхны нойр болон психопатологийн талаарх судалгаа хэвлэгджээ. Судалгааг хийсэн судлаачид Хятадын 1619 хүүхдийн унтах явцыг судалжээ. Судалгаанд Ухань хотоос 650 милийн зайд орших Зунэй хотын Гуйжоу мужийн 11 сургуулийн өмнөх боловсролын 4, 5, 6 насны хүүхдүүдийг хамруулсан байна.

Судлаачид эцэг эх, асран хамгаалагчид хүүхдүүдтэйгээ хоёр сар гэртээ хорионд байх хугацаанд хүүхдийн нойронд ямар өөрчлөлт гарч буйг голчлон судалжээ. Судалгааны багийг тэргүүлж байсан Зунэй анагаах ухааны их сургуулийн Хэрэглээний сэтгэл судлалын тэнхимийн дэд профессор, доктор Жижун Лю хорио цээрийн дэглэм хүүхдийн нойронд сөргөөр нөлөөлдөг гэдгийг онцолжээ.

Ихэнх хятад гэр бүл тахал өвчнийг даван туулахын тулд олон хоног хорионд байсан бөгөөд энэ нь гадаа өнгөрүүлэх хугацаа буурч эцэг эх, хүүхдүүд электрон төхөөрөмжид илүү их цаг зарцуулж, хөдөлгөөн хийх нь хэд дахин багасаж байжээ. Түүнчлэн хязгаарлагдмал өрөөнд амьдрах нь гутралд ороход нөлөөлдөг нь батлагдсан байна.

Үүнээс гадна тахлын үед гэртээ хорионд байсан хүүхдүүд жирийн үед унтдагаасаа 57 минутын дараа унтаж, нэг цагаар оройтож сэрж байсан аж.

Эх сурвалж: https://www.todayonline.com/world/howchildrens-sleep-habits-have-changedpandemic

---