Макаогийн Котай бүсийн хоёр худалдааны төвөөс хулгай хийсэн Монгол Улсын иргэд болох хоёр эрэгтэй, нэг эмэгтэйг тус хотын Олон нийтийн аюулгүй байдлын цагдаагийн газраас баривчилжээ.

Тус хоёр худалдааны төвийн нэгээс нь 4,400 макао патака буюу 1,5 сая гаруй төгрөгтэй дүйцэх гурван нэр зүйлийн гоо сайхны бараа алдагдсан болохыг дэлгүүрийн харуул хамгаалалтын алба хаагчид цагдаагийн байгууллагад мэдэгдсэн байна. Албаныхан хяналтын камерын бичлэгийг шүүж үзээд эрэгтэй хулгайч болон түүний хамтрагчийг олж тогтоосон аж.

Үүний дараа цагдаа нар өөр нэгэн худалдааны төвөөс 4,600 макао патака буюу 1,6 сая орчим төгрөгийн үнэтэй хувцасны бараа бүтээгдэхүүн алдагдсан тухай мэдээлэл хүлээн авсан бөгөөд сэжигтэн эмэгтэйг газар дээр нь баривчилжээ. Эдгээр гурван сэжигтнийг Прокурорын газарт шилжүүлээд байгаа юм. 

Түүнчлэн тус монгол иргэд бүгд Тайпа дахь зочид буудлын нэг өрөөнд байрлаж байсан гэнэ.

Эх сурвалж: MACAU DAILY TIMES

 

---