Боловсрол соёл, шинжлэх ухаан, спортын байнгы хорооны өнөөдрийн хуралдаанаар "Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслийг хэлэлцлээ. Энэ үеэр Соёлын сайд С.Чулууны хэлсэн үг ихээхэн анхаарал татаж байв. 

Үндсэн чиглэлд соёлын өвийг хэрхэн хамгаалах талаар ярихдаа:

-Соёлын яамыг соёл урлагийг хөгжүүлэхээс гадна соёлын өвийг судлах, бүртгэх, сурталчлах, хамгаалахын тулд байгуулсан. Монголын биет бус соёлын өв Өвөрмонгол зэрэг гадагшаа урсдаг. Хэдэн төгрөгнөөс болоод манайхан соёлын өвөө зааж өгдөг. Эргээд Өвөрмонголчуудаас суралцах хэмжээнд хүртэл зааж өгсөн байдаг. 

Нөгөө талаар биет болон биет бус өвийг хамгаалахад бүрэн бүртгэл хийж, олон нийтийн болон төрийн байгууллагуудын бүрэн хяналтад байлгах ёстой. Үндэсний музей л гэхэд 10 гаруй тэрбум төгрөгийн дурсгалаа алдсан. Хулгайлсан хүн нь хариуцлага хүлээдэггүй, шагнал аваад явж байна. Өнгөрсөн жил улсын хэмжээнд бүрэн тооллого хийсэн. 800 гаруй дурсгалд адармаатай хариу гарсан. Гадагшаа археологийн дурсгалыг судлуулахаар явуулдаг ч буцаж ирдэггүй. Тиймээс цаашдаа "Цахим соёлын өв" гэдэг дата бааз байгуулна, гэжээ. 

 

---