ШӨХТГ-ын даргаар ЗГХЭГ-ын дэд даргаар ажиллаж байсан Б.Бат-Эрдэнийг томилжээ. Б.Бат-Эрдэнэ ЗГХЭГ-ын дэд дарга байхадаа эхнэр Болортуяагийн “Рич холдинг” ХХК-ийн нэр дээр 400,558,905 төгрөгийн зээлийг ЖДҮХС-аас авч байсан байдаг.

Уг асуудлаасаа болж ЗГХЭГ-ын даргын албан тушаалаас чөлөөлөгдөж байсан түүний ЖДҮ-ийн асуудал мартагдаж Засгийн газрын харьяа агентлагийн дарга болжээ.  

Харин өчигдөр/2020.08.18/ Ерөнхий сайдын зөвлөхөөр УИХ-ын гишүүн асан Ж.Энхбаярыг томилсон. Тэрээр мөн ЖДҮ-чин. Ж.Энхбаяр УИХ-ын гишүүн байхдаа өөрийн хамаарал бүхий “Газар буудай” компанид 950, 858,904.00  зээл, Газар агро ХХК-даа 1,943,226,511.00 зээл авсан нь нотлогдож байсан билээ.

Гэвч түүнд ямар нэгэн хариуцлага тооцолгүйгээр Ерөнхий сайд дэргэдээ авчээ.

У.Хүрэлсүхийн засаг дахь бас нэгэн ЖДҮ-чин бол шадар сайд Я.Содбаатар. Тэрээр өөрийн эзэмшлийн “Эпато анарваан” ХХК-даа 1,2 тэрбум төгрөгийн зээл аваад төлсөн байдаг. Мөн  “Ти Эс Эм” ХХК-д 803,261,900.00 зээл аваад төлсөн гэдэг.  

Хуульзүйн сайд Х.Нямбаатар ч мөн “Өгөөдэй Ази” ХХК-даа 950,000 төгрөгийн зээл олгуулсан, ЖДҮ-чин. Гэвч мөн л энэ засагт сайд болж "томорсон".

Зарим ЖДҮ-нд хариуцлага тооцож байгаа ч зарим нь ийн тушаал ахиж байгаа нь ямар учиртайг Ерөнхий сайд У.Хүрэлсүх тайлбарлах биз ээ.

---