Монгол банкны Ерөнхийлөгч Б.Лхагвасүрэн зээлийн хүүг бууруулах хөтөлбөр бараг бэлэн болсон тухай жиргэжээ.

Тэрээр  “Зээлийн хүү бууруулах хөтөлбөр бараг бэлэн болчихлоо. Өчигдөр их хурлын гишүүд, монголбанк, бусад холбогдох байгууллагын төлөөллөөс бүрдсэн ажлын хэсэг маань УИХ-ын даргад танилцуулж зарчмын шийдэлд хүрлээ. Удахгүй хэлэлцэгдэх байх”  гэжээ.

Өнгөрсөн сард УИХ-ын дарга Г.Занданшатар арилжааны банкнуудын захирлуудтай уулзаж зээлийн хүүг бууруулах, экспорт, үйлдвэрлэлийг дэмжих зээлийг нэмэгдүүлэх, банк санхүүгийн салбарт реформ хийх зэрэг асуудлаар санал солилцсон байдаг. Энэ үеэрээ зээлийн хүүг бууруулах УИХ-ын тогтоолыг ээлжит бус чуулганаар батлахаа ч онцолж байсан билээ. 

Улмаар банкуудын удирдлагуудыг 08-р сарын 10-ны дотор саналаа өгөхийг хүссэн. Тэгвэл ийнхүү зээлийн хүүг бууруулах хөтөлбөр бэлэн болсныг Монгол банкны ерөнхийлөгч мэдэгджээ. Уг хөтөлбөрт зээлийн хүүг чухам хэд болгож бууруулсан нь тун удахгүй тодорхой болно. 

Одоогоор манай улсад зээлийн хүү дунджаар 16 хувьтай байна. Энэ нь бизнесийн салбарт маш хүнд дарамт болж байна гэж үздэг юм. 

 

---