Өнгөрсөн гуравдугаар сараас хойш дэлхийн хэмжээнд 1.5 тэрбум хүүхэд гэрээсээ буюу онлайнаар хичээллэж байгаа нь дэлхийн нийт сургуулийн насны хүүхдийн 92 хувь ажээ.

“Science” сэтгүүлийн мэдээлж буйгаар одоогоор 20 гаруй улс сурагчдаа танхимаар хичээллүүлж эхлээд байгаа гэнэ. Харин НҮБ-ын мэдээлж буйгаар коронавирусийн тархалт үргэлжилж буйтай холбоотойгоор 100 орон хичээл, сургуулийг нээх өдрөө хараахан товлоогүй байгаа юм байна. НҮБ-ын Ерөнхий нарийн бичгийн дарга Антонио Гутерресийн гаргасан дэлхий дахин дахь боловсролын байдлын талаарх тайланг тус байгууллага өчигдөр танилцуулсан байна.

НҮБ улс орнуудын засгийн газарт хандан сургуулийг даруй нээхийн тулд вирусийн тархалтыг таслан зогсоохыг уриалаад, боловсролын салбар дахь төсвийн хуваарилалтыг нэмэгдүүлэхийг хүсжээ. Түүнчлэн НҮБ-аас бага болон дунд орлоготой улс орнуудын өр төлбөрийг хойшлуулах, чөлөөлөх, шинэчлэх зэрэг олон улсын зохицуулалтыг нэмэгдүүлэхийг уриаллаа.

Одоогоор Австри, Канад, Дани, Финланд, Франц, ХБНГУ, Израиль, Япон, Швед, Нидерландад сурагчид бүтэн цагаар танхимаар хичээллэж байна. Эцэст нь донор орнууд боловсролд чиглэсэн тусламжаа тогтвортой олгож, нэмэгдүүлдэггүй юм гэхэд хамгийн их эрсдэлтэй байгаа хүүхдүүдэд чиглэсэн үйл ажиллагаагаа таслахгүй байх хэрэгтэйг НҮБ-аас мэдэгдэв.

Эх сурвалж: https://www.heritage.org

---