Коронавирусээс үүдсэн онцгой дэглэм бүрэн тавигдаагүй байгаа энэ нөхцөлд эдийн засагт үзүүлж буй хүндрэлүүд гарсаар байна. 

Тухайлбал, нийтийн хоолны салбарын орлого 2020 оны эхний хагас жилд 214.2 тэрбум төгрөг болж, өмнөх оны мөн үеэс 12.0 (5.3%) тэрбум төгрөгөөр буурсан байна. Үүн дотроо баарны орлого хамгийн их буюу 5.5 (63.6%) тэрбум төгрөгөбр буурчээ. Харин гуанзны орлого 3.2 (20.4%) тэрбум төгрөг, кафены орлого 3.1 (16.9%) тэрбум төгрөгөөр буурсан байна.

Мөн зочид буудлын салбарын орлого 70.5 тэрбум төгрөгт хүрч, өмнөх оны мөн үеэс 45.5 (39.2%) тэрбум төгрөгөөр буурсан байна. Үүнд 3 болон түүнээс дээш одтой буудлын орлого 39.7 (45.3%) тэрбум төгрөг, зэрэглэлгүй зочид буудлын орлого 5.4 (20.9%) тэрбум төгрөгөөр буурчээ.

---