ҮХНӨ-ийн 6.2 дахь хэсэгт "Монгол улсын иргэдэд өмчлүүлснээс бусад газар түүнчлэн газрын хэвлий, түүний баялаг, ой, усны нөөц, ан амьтан төрийн, нийтийн өмч мөн" гэсэн заалт орсон юм. Гэвч "нийтийн" гэдэг үг нь гадаадын иргэн харьяатад ч хамаарах үг бөгөөд гадны иргэд монгол улсын газар нутгийг өмчлөх боломжтой болсон гэж иргэд, зарим судлаачид үзэж байгаа юм.

Уг асуудлаар УИХ-ын гишүүн С.Ганбаатар Үндэсний аюулгүй байдлын зөвлөл, ЗГХЭГ, ХЗДХЯ зэрэг холбогдох байгууллагуудад ханджээ. Улмаар уг асуудлыг УИХ-ын ээлжит бус чуулганаар хэлэлцэхийг шаардаж байгаа юм. Ер нь ямар ч хуульд төрийн, нийтийн гэх үг заалт ордоггүй, энэ нь байж болохгүй заалт гэж үзэж байна.

ЗГХЭГ-ын дарга Л.Оюун-Эрдэнэ "Уг асуудлыг дагалдах хуулиар зохицуулна" гэх тайлбар өгсөн ч энэ нь хангалтгүй. Тиймээс Үндсэн хуулийг найман жилдээ өөрчилж болохгүй гэх худал халхавч барихгүйгээр нэн яаралтай газар нутгийн асуудлаа шийдэх ёстой гэж байгаа юм байна. Тэрээр бурхан зарлигдаагүй л бол ямар ч хуулийг өөрчилж болно. Тиймээс нэн даруй 6.2 дахь заалыг өөрчил. Харин ард түмэн сонгосон гишүүдээсээ шаардахыг уриалсан юм.

---