Сэтгэцэд нөлөөлөх төрлийн ургамлыг нийслэл рүү нэвтрүүлэх гэж байсныг илрүүлж, хуулийн дагуу арга хэмжээ авчээ.

Тодруулбал, 2020 оны наймдугаар сарын 09-ний өдөр Эмээлт шалган нэвтрүүлэх товчоогоор Chevrolet Cruze маркийн тээврийн хэрэгслээр иргэн Б. Б. Б. Д. нар мансууруулах буюу сэтгэцэд нөлөөлөх төрлийн ургамал тээвэрлэж явсныг албаныхан илрүүлж, Эрүүгийн хуулийн дагуу Сонгинохайрхан дүүргийн нэгдүгээр хэлтэст шилжүүлжээ.

Энэ төрлийн гэмт хэрэгт холбогдсон тохиолдолд Эрүүгийн хуулийн 20.7 дугаар зүйлд зааснаар 1-8 жилийн хорих ял ногдуулдаг тул эцэг эхчүүд хүүхдэдээ байнгын хяналт тавин энэ төрлийн гэмт хэрэгт холбогдуулахгүй байхыг анхааруулж байна.

Эх сурвалж: НМХГ

---