СПОРТ
ХӨГЖИМ
™ watch

АНУ-ын иргэн БНСУ-д 42 байр худалдан авчээ

Нийтэлсэн
3 жилийн өмнө


Сурталчилгаа
Нийтэлсэн:   Admin
3 жилийн өмнө

БНСУ-ын Үндэсний татварын алба (NTS) сүүлийн гурван жилд Солонгосоос хамгийн багадаа хоёр орон сууц худалдан авсан гадаадын 42 иргэнд шалгалт хийжээ. Тэднийг түрээсийн орлого, хөрөнгө орлогын татвараас зайлсхийсэн хэрэгт сэжиглэж байгаа талаар тус улсын Татварын алба даваа гаригт мэдээлсэн юм.

Татварын албанаас мэдээлж буйгаар сүүлийн гурван жилд 6.4 тэрбум ам.доллараар үнэлэгдэх 23167 орон сууцыг гадаадын 23219 хүн худалдан авчээ. Үүний 13573 нь Хятад, 4282 нь Америк, 1504 нь Канад, 756 нь Тайвань, 468 нь Австрали, 271 нь Японы иргэн байна. Тэд Сөүлд 4473 орон сууц, Гёонгид 10093, Инчёонд 2674 орон сууц худалдан авчээ.

Хэвлэлийн бага хурлын үеэр Татварын албаны Мөрдөн шалгах асуудал эрхэлсэн комиссарын туслах Лим Кван Хюн “ Тэд орон сууц худалдан авч байгаа солонгосчуудтай ижил татвар төлөх ёстой. Худалдаж авчихаад ашиг орлого олж болохгүй. Тиймээс бидний энэ хүчин чармайлт орон сууцны үнийн хөөрөгдлөөс сэргийлэхэд тусалж чадна гэдэгт итгэлтэй байна” гэжээ.

Түүнийг түрээсийн орлогын татвараа тайлагнахгүйн тулд зориуд байрны эзнээр бүртгүүлээгүй гэж сэжиглэж байгаа юм байна. Тэрээр байрнуудаа Сөүл, Чунчёоноос худалдан авч, сар бүр түрээсээ төлөхийн оронд хадгаламж байдлаар төлбөрөө хийдэг Солонгосын хамгийн алдартай хөрөнгө оруулалтын “jeonse” системийг ашиглажээ.

Түүнийг шалгаж үзэхэд Солонгос дахь хөрөнгийнхөө талаар мэдээлээгүй байсан тул татвараас зугтсан хэмээн үзэж АНУ-ын татварын албанд мөрдөн байцаалт явуулахаар шилжүүлсэн байна.

Тухайлбал, Зургадугаар сард гадаадын иргэдийн худалдан авсан өмчийн тоо 2090-д хүрсэн нь 2006 оноос хойшхи хамгийн өндөр үзүүлэлт юм. Сэжиглэж буй энэ хүмүүсийн мэдээллийг өөрийн оронд нь шилжүүлэх юм байна. 

Эх сурвалж: "Зууны мэдээ" сонин 2020.8.5  ЛХАГВА № 149 (6374) 
 

Сурталчилгаа

Манай хуудсыг дагаарай!


Сэтгэгдэл (1)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
3 жилийн өмнө
203.91.112.133

манай улс бас ийм шалгалт хийгээсэй

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.