Улсын Онцгой комиссын Шуурхай штаб цаг үеийн асуудлаар мэдээлэл хийлээ

ГХЯ-ны Консулын газрын захирал Л.Мөнхтүшиг" Наймдугаар сард нийтдээ найман чиглэлд 14 удаагийн тусгай үүргийн нислэг үйлдэх хуваарь батлагдсан байна. Хамгийн эхний нислэг наймдугаар сарын 1-ний өдөр БНСУ-руу хийгдэж иргэдээ татаж авна.

Олон улсын шилжилт хөдөлгөөний байгууллагын санаачлагаар Чех улсад байгаа нутаг буцах хүсэлт гаргасан 100 гаруй иргэнийн татаж авах Чехийн онгоцыг хүлээж авах шийдвэрийг гаргасан. 170 хүний суудалтай тус онгоцоор ирэх 110 гаруй иргэний тийз болон ирээд 21 хоног тусгаарлагдах зардлыг Чех улсын Засгийн газрын санхүүжилт гаргаж байгаа.

Тусгаарлах байрны нөөц бололцоог харгалзан үзэж наймдугаар сарын дундуур, сүүлээр нэмэлт нислэг хийх боломжийг дахин судлаад тухай бүрд нь мэдээлнэ.

Өнгөрсөн хугацаанд 15,018 иргэнийг 40 улсаас татаж авсан байна. Франкфуртийн нислэгээр Африкт байсан цөөн тооны иргэдийг татаж аваад байна. Үүн дээр одоо 49 улсаас 12,200 гаруй иргэн нутаг буцах хүсэлтээ гаргаад байгаа учраас өргөдөл гаргасан дарааллаар нь ил тод мэдээлж байгаа.

Өнөөдөр Сөүлээс зүүн өмнөд Азид байгаа иргэдээ татаж авна. Зүүн Өмнөд Азид байгаа буцах хүсэлтэй иргэдийн ихэнх хувийг татаж авч үндсэндээ дуусаж байна. Австрали зайтай учраас манай онгоц замдаа Филиппин улсын Сэбү арал дээр сумлагаа хийдэг. Үүнийг ашиглан Филиппин дэх 21 иргэнээ татаж авна." гэв.
 

 
 

---