Хэнтий аймгийн төвөөс урагш 145 км-т орших Галшар сумын Буянтбулаг багийн нутагт тус сумын харьяат иргэн Э /46 настай, эрэгтэй согтууруулах ундаа хэрэглэсэн/ Баруун голд живсэн тухай дуудлагыг долдугаар сарын 26-ны өдрийн 15:35 цагт хүлээн авчээ.

Тус сумын Засаг даргын Тамгын газрын ажилтнууд, орон нутгийн иргэд эрэн хайх ажиллагааг зохион байгуулж, мөн өдрийн 17:45 цагт “Баруун гол”-оос баруун зүгт зургаан км-т “Буянтбулаг Баруун-Адаг” гэдэг газраас иргэн Э-ийн цогцсыг олж, эмнэлгийн байгууллагад шилжүүлж өгсөн байна.

Тус аймгийн Онцгой байдлын газрын Эрэн хайх, аврах салбарын алба хаагчид 16:23 цагт хөдөлгөөн үйлдэн явж байхад осолдсон иргэний цогцсыг олсон тул 21:30 цагт буцсан талаар ОБЕГ-аас мэдээллээ.

---