ОБЕГ-ын даргаар генерал Г.Ариунбуянг томилсон. Харин Г.Ариунбуянгийн хуучин алба буюу ОБЕГ-ын Тэргүүн Дэд даргаар нь хэн томилогдох гэдэг асуудал анхаарал татаж байна.
Одоо ажлаа маш сайн хийж байгаа буюу дэвшин ажиллах боломжтой алба хаагчид Онцгойд цөөнгүй бий.
Гэтэл туршлагатай, чадвартай, албандаа үнэнчээр зүтгэж байгаа алба хаагчдаа дэвшүүлэн ажиллуулахын оронд гаднаас өөр хүн авчрахаар тохироо хийгдэж байгаа гэх мэдээлэл байна. Тодруулбал, нийслэлийн Онцгой байдлын газрын дарга Ж.Чүлтэмсүрэнг ОБЕГ-ын Тэргүүн дэд даргаар томилох асуудал яригдаж байгаа аж.
Ж.Чүлтэмсүрэн нь өөрийн удирдлагад ажилладаг эхнэрийнхээ дүүг өмөөрч, хорт хавдартай ажилтнаа зодсон талаарх таагүй мэдээлэл хэвлэлүүдээр гарч байсан нь саяхан. Мөн Ж.Чүлтэмсүрэн нь Ерөнхий сайд У.Хүрэлсүхтэй нэг анги гэдгийг олон нийт мэддэг. Тиймээс "өөрийн хүн"-ээ дэвшүүлэх жишээг шударга ёс шаарддаг Ерөнхий сайд маань харуулж магадгүй байна.
Уг нь ажлаа мэддэг, туршлагатай, итгэл даасан хүнээ дэвшүүлэх нь шударга ёсны хувьд ч, төрийн ажил зөв явахад ч тустай юм.

---