Тарваган тахлын сэжигтэй тохиолдол дахин бүртгэгдлээ.

Говь-Алтай аймгийн Эрдэнэ суманд 16 настай, эрэгтэй хүүхэд тарваган тахлын сэжигтэйгээр сумын эмнэлэгт тусгаарлагджээ. Уг хүүхэд долдугаар сарын 14-нд тарваганы мах идсэн өгүүлэмжтэй бөгөөд өчигдрөөс өндөр халуурч, ханиалгасан байна.

Хүүхдийн биеийн байдал хүндэвтэр байгаа гэнэ. Аймгаас мэргэжлийн эмч нарын баг тус сум руу явжээ. Ард иргэдийг тарвага агнахгүй, мах, түүхий эд эрхтнийг нь идэхгүй байхыг анхааруулж байна хэмээн ЭМЯ-наас мэдээллээ.

---