Увс аймагт иргэдийн болон тээврийн хэрэгслийн хөдөлгөөнийг тодорхойгүй хугацаагаар хязгаарлажээ.

Баяр наадмын өдрүүдээр үргэлжилсэн их хэмжээний борооны улмаас голын ус үерлэн, Түргэн сумын урт сайр, шургадгийн сайрын гүүр нурах эрсдэлтэй байгаа тул тус аймгийн Нисэхийн постоор орох, гарах хөдөлгөөнийг тодорхойгүй хугацаагаар хязгаарласан байна.

Тодруулбал, Түргэн, Сагил, Давст, Бөхмөрөн сумдын чиглэлээс Улаангом сумын чиглэлд хөдөлгөөн үйлдэхгүй байхыг Увс аймгийн Засаг дарга Д.Батсайхан сумдын засаг дарга, онцгой комиссын дарга нарт үүрэг болгожээ.
 
 

---