Монгол Улсын Засгийн газар, Улсын онцгой комиссын шийдвэрээр хилийн чанадаас иргэдээ татан авах тусгай үүргийн нислэг үргэлжилсээр байна.

Афганистанаас энхийг сахиулагчдаа татах тусгай үүргийн онгоц өчигдөр Буянт-Ухаа олон улсын нисэх буудалд 18:20 цагт газардлаа.

“Хүннү Эйр” ХХК-ийн тусгай үүргийн онгоцоор 51 энхийг сахиулагч эх орондоо ирсэн. Ингэснээр энэ сарын 12, 14-нд хоёр удаагийн тусгай үүргийн онгоцоор нийт 113 энхийг сахиулагч эх орондоо ирсэн гэдгийг Улсын онцгой комиссын Шуурхай штабаас мэдээллээ.

---