Хөвсгөл аймагт хоёр ч чиглэлийн авто зам сэтэрсэн тул түр хаан засварлах ажлыг хийж байна гэж тус аймгийн Замын цагдаагийн тасгаас мэдээллээ. 

Тодруулбал, Хатгал - Мөрөнгийн чиглэлийн замд Мөрөнгөөс 4 км орчим зайд замын зорчих хэсэг 3 орчим метр сэтэрсэн, Мөрөн - Улиастай чиглэлийн сайжруулсан замд 2 км орчим зайд зам тус тус сэтэрчээ.

Одоогийн байдлаар Мөрөн-Хатгал чиглэлийн замын хөдөлгөөнийг нээж туслах замаар хөдөлгөөнийг үргэлжлүүлж байгаа юм. Үндсэн хатуу хучилттай замыг засаж байна. 

---