Жүжигчин Уилл Смит болон түүний эхнэр Жада Пинкетт Смит нар өнгөрсөн долоо хоногийн баасан гарагт Red Table Talk шоунд оролцож хоорондын харилцаа, гуравдагч этгээдийн талаар илэн далангүй ярьсан байна.

Смитийн гэр бүл үргэлж шулуун дардан замыг туулаагүй бөгөөд хос салж тусдаа амьдарч байсан юм. Тэр хугацаанд Жада Пинкетт Смит 27 настай залуу дуучин Аугуст Алсинатай холбоо харилцаа тогтоосон байсан гэдгээ хүлээн зөвшөөрчээ.

Харин дуучин залуу хэвлэл мэдээлэлд өгсөн ярилцлагадаа 1997 оноос хойш Смитийн гэр бүлд байсан 48 настай Жада Пинкеттэй романтик харилцаа тогтоосон тухай олон нийтийн дунд гарсан ярианаас болж ашиг орлогоо ч, дотно харилцаагаа ч алдсан хэмээн өгүүлсэн удаатай.

Жада, Алсина нар 4, 5 жилийн өмнө найз нөхдийн харьцаатайгаар танилцсан ба одоо тэд огт холбоогүй удсан гэдгийг жүжигчин бүсгүй хэлжээ. Смитийн гэр бүл түр салж тусдаа байх хугацаанд хоёр талд маш хүнд байсан бөгөөд одоо тэд эргэн эвлэрч, нэг нэгнээ сайн ойлгож эргэн гэр бүл болсон тухайгаа шоуны үеэр хэлсэн байна.

Эх сурвалж: CNN

---