Коронавируст цар тахал нь улирлын томуугийн шинж чанартай ижил тохиолдлоор тархаж байгаа тул 2020, 2021 онуудад улирлын томуугийн үед дархлаагаа дэмжиж, ариун цэврийн дэглэмийг нарийн сахиж амны хаалтаа зүүж, гараа тогтмол угааж хамгаалах ёстой байна.

Ковид-19-өөр халдварласан хүнд тогтсон дархлаа хэдхэн сарын хугацаатай байгаа ба хүндээр өвдсөн хүмүүст дархлаа илүү сайн тогтсоныг Их Британийн эмч нар мэдэгдэв.

2020 оны долдугаар сарын 12-нд 143 хүнд коронавирусийн халдварын шинжилгээ хийхэд коронавирусийн халдварын тохиолдол илэрсэнгүй. Ажиглах байранд тусгаарлагдсан 14, Алтанбулагийн боомтоор орж ирсэн есөн жолоочийн шинжилгээний хариу сөрөг гарсан.

Өнөөдөр 80 настай эмэгтэй 24 хоногийн хугацаанд эмчлэгдэн ХӨСҮТ-ээс гарлаа. Монгол улсад илэрсэн нийт 230 тохиолдлоос 203 нь эдгэж эмнэлгээс гарчээ.

Өчигдөр орой 22 цагт Афганистаны тусгай үүргийн онгоцоор Зэвсэгт хүчний 62 энхийг сахиулагч ирсэн бөгөөд өнөөдөр шинжилгээ хийнэ. Маргааш үүрээр Афганистанаас үлдсэн 50 энхийг сахиулагч ирнэ. Эдгээр энхийг сахиулагчдыг ХӨСҮТ-д байрлуулахаар бэлтгэл ажлаа базааж байна.

---