Тулгар төрийн 2229, Их Монгол Улсаа байгуулсны 814, Ардын хувьсгалын 99 жилийн ой, Үндэсний их баяр цэнгэл наадмын хүчит бөхийн барилдааны нэгийн даваа эхэллээ.

Энэ жилийн баяр наадмын хүчит бөхийн барилдааны зүүн талын тэргүүн магнайд Монгол Улсын дархан аварга Г.Өсөхбаяр, баруун талын тэргүүн магнайд Монгол Улсын аварга Н.Батсуурь, Улсын аварга Ч.Санжаадамба, Г.Эрхэмбаяр, С.Мөнхбат нарын тэргүүтэй 512 бөх барилдахаар нэрээ бүртгүүлжээ.

Монгол Улсын аварга, арслан, гарьд, заан, харцага, начингууд төрийн их цагаан туганд хүндэт үзүүлснээр хүчит бөхийн барилдаан эхэлж байна. 

Хүчит бөхийн барилдааны нэгийн даваанд Дархан аварга Г.Өсөхбаяр залуу бөх н.Хүрэлсүхтэй, Улсын аварга Н.Батсуурь залуу бөх н.Эрдэнэхүүтэй, Улсын аварга Ч.Санжаадамба залуу бөх н.Нямбаяртай, Улсын аварга Г.Эрхэмбаяр залуу бөх н.Элбэгсайхантай, Улсын аварга С.Мөнхбат залуу бөх н.Цэнд-Аюуштай тус тус оноолт таарчээ.

---