АНУ-ын Сиэтл хотод ТикТок бичлэг хийж байсан өсвөр насны хүүхдүүд санамсаргүй байдлаар нас барсан хоёр хүний цогцосыг уутанд багласан байгааг өнгөрсөн сард олжээ. Тэгвэл хотын эрх баригчид ТикТокчдын олсон цогцоснуудын биеийн байцаалтыг тогтоосон байна.

Нас барсан хохирогчид 35 настай Жессика Льюс, 27 настай Остин Веннер нар болохыг тогтоожээ. Хохирогчдын гэр бүлийнхэнд энэ талаар мэдэгдсэн бөгөөд тэд цөөнгүй олон жил болзсон хос байсныг хэлсэн байна. Льюс дөрвөн хүүхдийн ээж бөгөөд Веннертэй найман жилийн турш болзжээ.

Далайн эрэгт бичлэг хийж байсан хүүхдүүдийн олсон уутан дотор цогцос байгааг мэдсэн даруйд 911 дууджээ. Уг бичлэгийг тухайн өдөр постлоогүй ба маргааш нь ТикТок сүлжээнд байршуулсан байна.

Эх сурвалж: CNN

---