Америкийн телевизийн Glee инээдмийн хөгжимт цувралаар олонд танигдсан дуучин, жүжигчин Наяа Ривера дөрвөн настай хүүгийн хамт сураггүй алга болоод байжээ. Цагдаа нар жүжигчний хүүг завин дээрээ ганцаараа эсэн мэнд байгааг олсон боловч жүжигчин ор сураггүй хэвээр байна.

33 настай дуучин, жүжигчин бүсгүй Өмнөд Калифорнийн Пиру нууранд завь хөлслөн хүүгийн хамт лхагва гарагт аялалд гарчээ. Эрэл хайгуулын ажил үргэлжилж байна.

Ривера 2009-2015 оны хооронд Glee инээдмийн хөгжимт цувралын хөгжөөн дэмжигчдийн ахлагч хүйтэн сэтгэлтэй Сантана Лопезын дүрд тоглосон билээ. Тэрээр 2014 онд жүжигчин Райн Дорситой гэрлэж хүүгээ төрүүлсөн бөгөөд хос 2018 онд гэр бүлээ цуцлуулсан ч хүүхдээ хамтран өсгөж байсан юм.

Эх сурвалж: ВВС

---