БНХАУ-ын Гуйжоу мужийн Аншун хотод гүүрэн дээр явж байсан автобус хаалт мөргөн ус руу орж осолдсоноос багадаа 21 зорчигч нас барж, 15 хүн бэртэж гэмтсэн байна. Эх сурвалжийн мэдээлснээр уг автобусан дотор их сургууль, коллежид элсэх шалгалтаа өгөхөөр явж байсан сурагчид байжээ.

Ослын шалтгааныг хараахан тодорхой болоогүй, мөрдөн шалгах ажил явагдаж байна. Автобусны жолооч нас барсан бөгөөд 1997 оноос хойш уг чиглэлд нийтийн тээврийн хэрэгсэл барьсан туршлагатай нэгэн байсан хэмээн Синьхуа мэдээлжээ. Аврах ажиллагаанд 141 гал сөнөөгч, аврагч, шумбагч оролцож байна.

Эх сурвалж: ВВС

---