Токио-Улаанбаатар чиглэлийн тусгай үүргийн онгоц өчигдөр буюу бямба гарагийн орой 19:00 цагт “Чингис хаан“ олон улсын нисэх буудалд газардлаа.

   Уг нислэгээр нийт 263 иргэн эх орондоо ирсэн бөгөөд бага насны хүүхэдтэй гэр бүл 94, жирэмсэн болон асран хамгаалагчтай 23, өндөр настан болон асран хамгаалагчтай 65, эрүүл мэндийн шалтгаантай 28, виз, санхүү зэрэг хүндэтгэн үзэх шалтгаантай 53 иргэн эх орондоо иржээ.

 Иргэдийг ХӨСҮТ, ЦТЭ, “Ворлд Монголиа”, “Тайж”, “Вензоу”, “Амар” зочид буудлуудад 21 хоног тусгаарлахаар болсон гэдгийг Улсын онцгой комиссын Шуурхай штабаас мэдээлэв.

---