АНУ-ын Нью-Йоркийн боомтын хил гаалийн ажилтнууд 13 тн сэжиг бүхий гоо сайхны ачаа тээшийг илрүүлжээ. Уг ачаанаас хүний үсээр хийсэн хиймэл үс, сүлжээс их хэмжээгээр илэрсэн байна.

Эдгээрийг Хятадын Шинжаанаас ирсэн байж магадгүй хэмээн албаныхан таамаглаж байгаа юм. 800,000 ам.долларын үнэ бүхий хүний үсийг хорих газарт хоригдож байгаа болон албадан хөдөлмөр эрхэлж буй иргэдээс авсан гэж сэжиглэж байна.

Шинжаанд амьдардаг 11 саяр уйгур хүний нэг сая орчим нь хоригдсон бөгөөд тэдэнд зүй бусаар хандаж үс гэзгийг нь хусах, хоол унд өгөлгүй тарчлаах, зодох хүчирхийлэх явдал гардаг хэмээн АНУ-ын эрх баригчид үздэг. Энэ жил хоригдлуудаас авсан байж болох хүний үс бүхий ачаа тээшийг илрүүлж буй тохиолдол хоёр дахь нь болж байна.

Эх сурвалж: CNN

---