УИХ-ын анхдугаар чуулганы өнөөдрийн хуралдаанаар УИХ-ын дэд дарга нарыг томилж, байнгын хороодын бүрэлдэхүүнийг баталсан.

Чуулганы хуралдааны дараа УИХ-ын гишүүдийн сэтгэгдлийг сонсож байна.

УИХ-ын гишүүн, Сангийн сайд Ч.Хүрэлбаатар "Өчигдрийн байдлаар улсын төсвийн орлого 1.2 их наядаар тасраад байна. Шинэ засгийн газрын бүтэц бүрэлдэхүүн байгуулагдаж байна. Ирэх долоо хоногоос энэ томилгооны асуудал цэгцрэх байх гэж бодож байна. Түүнтэй уялдуулаад улсын төсөвт тодотгол хийх эсэхээ шийднэ" гэлээ. 

-Тодотголоо боловсруулж байгаа юу?

-Эхлээд юу ч гэсэн бүтэц бүрэлдэхүүн тодорхой болог. 

-Төсөв хүнд үед шинээр яамд байгуулах шаардлага бий юу?

-Эхлээд Засгийн газраа байгуулсны дараа энэ асуудлыг ярих нь зөв байх. Тааж яриад яахав. 

---