ОХУ-ын Красноярск хотын цагдаа нар залуугаас болж нэгэн эмэгтэйг харгис хэрцгийгээр зодсон насанд хүрээгүй охиныг баривчилжээ.

Зургаадугаар сарын 27-ны өдөр 21 настай эмэгтэй хотын цагдаагийн есдүгээр хэсэгт хандан, бие махбодын гэмтэл авсан гэсэн мэдүүлэг өгчээ.  Ингээд хууль сахиулах байгууллагын ажилтнууд бие биеэ сайн таньдаггүй хоёр эмэгтэйн хооронд тэдний сонирхдог залуугаас болж мөргөлдөөн гарсныг олж илрүүлсэн байна. Цагдаа нар халдагчийг хотын оршин суугч, 17 настай охин болохыг тогтоосон гэдгийг албан ёсны мэдэгдэлдээ дурдсан аж.

Уг хэргийн үеэр ойролцоох орон сууцны оршин суугч бичлэг хийн, олон нийтийн сүлжээнд байрлуулжээ. Бичлэгээс харахад хэд хэдэн охин газар хэвтэж буй хохирогчийг тойрон зогсож, тэдний нэг нь түүний толгой руу хүчтэй өшиглөн, орилж хашгирч байв.

Орон нутгийн хэвлэл мэдээллээр мэдээлж буйгаар хохирогчийг шүүх эмнэлгийн үзлэгт хамруулсан бөгөөд эмнэлгийн үр дүнгийн дагуу эрүүгийн хэргийн шийдвэр гарна.

Эх сурвалж: Риа Новости

---