Ирландын парламент өнгөрсөн баасан гаригт тус улсын шинэ Ерөнхий сайдыг батламжиллаа. Ирландын Засгийн газрын шинэ тэргүүнээр Либерал Fianna Fail намын Михол Мартин тодорч байна. Reuters агентлагийн мэдээлснээр парламентын санал хураалтаар Михол Мартин 93 гишүүний дэмжлэгийг авсан бол 63 гишүүн эсрэг саналтай байжээ.

Шинэ Ерөнхий сайд мэдэгдэхдээ, энэ өндөр албан тушаал хаших нь түүний хувьд нэр төрийн хэрэг бөгөөд  өндөр хариуцлага хүлээж буй гэдгийг мэдэрч байна гэсэн байна. Тэрээр бас өөрийн танхимын гишүүдийнхээ хамт улс үндэснийхээ асар их боломжийг нээн харуулахын тулд цаг завгүй ажиллана гэдгээ хэлсэн байна.

Дашрамд дурдахад, намуудын тохиролцоогоор хоёр жил хагасаны дараа Fianna Fail намын  Ерөнхий сайдыг Fine Gael  намын лидер Лео Варадкараар солих юм.

---