Мөнгөний бодлогын хороо өнөөдөр шийдвэрээ танилцуулна.  Тус хороо хамгийн сүүлд өнгөрсөн дөрөвдүгээр сард ээлжит бусаар хуралдсан юм.  

Бодлогын хүүг нэг нэгж хувиар бууруулж, 9 хувьд хүргэх шийдвэр гаргасан. Мөн эргэн төлөлт нь хүндрэлд орсон зээлдэгчийн хэрэглээний зээлийн хугацааг 12 хүртэлх сараар сунгах шийдвэр гаргаснаа танилцуулсан юм.

Өмнөх бодлогын хорооны шийдвэрийн үр дүнг хүлээх шаардлагатай. 11 хувь байсан бодлогын хүүг 10, дараа нь 9 хувь болгон бууруулсан. Эдгээр шийдвэрийн эдийн засагт үзүүлэх нөлөөг харзнах хэрэгтэй.

Төгрөгийн ханшид дарамт байхгүй байна. Манай улсын экспорт 30 хувиар, импорт 10 хувиар саарсан. Эхний гурван сард гадаад худалдаа алдагдалтай байв. Эхний таван сарын байдлаар гадаад худалдаа багахан хэмжээний ашигтай гарсан. Учир нь нүүрсний экспорт сэргэлээ. Гэхдээ төлбөрийн тэнцэл 1 тэрбум төгрөгийн алдагдалтай гарсан. Энэ нь төгрөгийн ханшид нөлөөлнө.

Оны сүүлийн хагаст эдийн засаг сэргэнэ. Энэ онд төлөх өндөр хэмжээтэй гадаад өр байхгүй. 

---