Ардчилсан намын гишүүн Э.Бат-Үүл мэдээлэл хийж байна. Тэрбээр Монгол Улсын Үндсэн хуулийг зөрчиж сонгууль хийсэн. Нэр дэвшигчдийг цагдан хорьж сонгууль хийсэн асуудлыг УИХ хэлэлцэх ёстой гэж үзэж байгаагаа илэрхийлэв. 

Да.Ганболд тэргүүтэй нэр дэвшигчдийг энэ сарын 18-нд СЕХ-ны зөвшөөрөлгүйгээр цагдан хорьсон. Шүүхээс зургадугаар сарын 15-ны өдөр Да.Ганболд хаана явж байгааг өмгөөлөгчөөс нь асуугаад сонгуулийн үйл ажиллагаанд явж байх үед нь арван тэрбум төгрөгийн барьцаа нэхэж, барьцаа өгсөнгүй хэмээн цагдан хорьсон.

Ингээд зургаан нэр дэвшигчийг өнөөдрийг хүртэл цагдан хорьж байна.

СЕХ эдгээр нэр дэвшигчдийг ямар нэгэн зөвшөөрөл өгч цагдан хорих шийдвэр гаргасан зүйл байхгүй гэсэн. Монгол Улсад сонгуулийн үйл ажиллагаа явуулж байхад сонгуулийн тухай хуулиар зохицуулдаг. Гэтэл хүний эрх болон бусад хууль тогтоомжийг зөрчин сонгууль хийсэн.

СЕХ одоо сонгуулийн дүнг Ерөнхийлөгчид өргөн мэдүүлдэг. Уг мэдүүлэгт зургаан нэр дэвшигчийг цагдан хорьсон талаарх тэмдэглэлийг заавал оруулах ёстой талаар СЕХ-ны даргад уламжилсан. Өөрөөр хэлбэл, хууль бусаар цагдан хорьж байгаа сонгууль явуулсан.

Иймээс УИХ, Ерөнхийлөгч шүүхийн зүгээс сонгуулийн үйл ажиллагааны үед хууль зөрчин нэр дэвшигчдийг цагдан хорьж, сонгууль явуулсан талаар авч хэлэлцэн шүүгч нарт хариуцлага тооцох хэрэгтэй гэж үзэж байна.

---