Жил бүрийн сонгуульд ахмад настнууд хамгийн сайхан дээл хувцсаа өмсөж, одон медалиа зүүж ирэн саналаа өгдөг байсан бол энэ удаагийн сонгуульд залуучууд үндэсний дээл хувцсаараа гоёцгоожээ.

2020 оны энэ удаагийн УИХ-ын сонгуульд санал өгөх сонгогчдын 42 хувь нь 18-34 насны, 18 хувь нь 55-аас дээш насны хүмүүс байна.

Дээлээ өмсөөд саналаа өгөх санаачилгыг ӨГЛӨӨ хөдөлгөөнийхөн уриалсан билээ. Ингээд энэ жил анх удаа саналаа өгч байгаа болон дээлтэй сонгогчдын сэтгэгдлийг асуулаа. Залуучуудын хувьд нэр дэвшигчдийн боловсрол, мөрийн хөтөлбөртэй танилцан саналаа өгч байгаа гэнэ. 

---