Монгол Улсын Их Хурлын 2020 оны ээлжит сонгуульд оролцох сонгогчдын тоон мэдээг Улсын бүртгэлийн ерөнхий газраас танилцууллаа. 

Улсын хэмжээнд 2020 оны зургаадугаар сарын 23-ны өдрийн байдлаар сонгогчдын нэрийн жагсаалтад 2,000,624, Монгол Улсын Их Хурлын сонгуулийн тухай хуулийн 20.7-д заасны дагуу “Түр хасав” тэмдэглээтэй 130,747 сонгогч бүртгэгдээд байна.

Монгол Улсын Их Хурлын сонгуулийн тухай хуулийн 20.7-д зааснаар Улсын бүртгэлийн асуудал эрхэлсэн төрийн захиргааны байгууллага дараах мэдээллийг үндэслэн тухайн сонгогчийг сонгогчдын нэрийн жагсаалтаас хасалгүйгээр “Тайлбар” хэсэгт “Түр хасав” гэсэн нэмэлт тэмдэглэгээ хийдэг. Ийнхүү нэмэлт тэмдэглэгээ хийгдсэн тухайн сонгогчийг сонгогчдын нэрийн жагсаалтад бүртгэгдсэн сонгогчдын тоонд оруулан тооцдоггүй. 

Баян-Өлгий аймагт нийслэл болон бусад аймгаас тухайн тойрогт хамгийн бага буюу 14 хүн шилжиж ирсэн бол Увс аймагт хамгийн их буюу 342 хүн шилжиж иржээ. 

Нийслэлийн хувьд Багануур, Багахангай, Налайх дүүрэгт буюу 21-р тойрогт хамгийн бага буюу 66 хүн шилжиж ирсэн бол Баянгол дүүрэг 26-р тойрогт хамгийн их буюу 427 хүн шилжиж ирсэн байна. 

 

---