2020 оны УИХ-ын сонгуулийн санал хураалт өнөөдөр/2020.06.24/ албан ёсоор эхэллээ. Энэ жил 2 сая 62 мянган сонгогч нийт 606 нэр дэвшигчийн төлөө саналаа өгнө.  Иргэдийн саналыг улс орон даяар 2070 хэсгийн хороон дээр авч байна. 

Санал хураалт 15 цагийн турш үргэлжилж оройны 22:00 цагт хаалгаа барина. 

Өнөөдөр Монгол Улсын Ерөнхий сайд У.Хүрэлсүх 11:40 цагт 48 дугаар ЕБС-ийн спорт зааланд байрлаж буй УИХ-ын сонгуулийн БЗД-ийн 23-р тойргийн 8-р хэсгийн санал авах байранд очиж саналаа өгнө.

Мөн Монгол Улсын Ерөнхийлөгч Х.Баттулга мөн дээрх хэсэг дээр санаал өгөх товтой байгаа ч цаг нь тодорхой болоогүй байна.

Харин УИХ-ын дарга Г.Занданшатар энэ удаад Баянхонгор аймагтаа саналаа өгөх ажээ. Livetv.mn сайт болон Livetv та бүхэнд сонгуулийн санал явах үйл явцыг тал бүрээс нь шууд дамжуулан хүргэх болно.

---