Өнөөдөр орсон хүчтэй аадар борооны улмаас Говьсүмбэр аймгийн Баянтал сумын нутаг 13-р зөрлөгийн төмөр замын далан сэтэрч их хэмжээний хохирол учраад байна. Уг замаар өнөөдөр зорчиж явсан Чойр-Улаанбаатарын чиглэлийн 2657-р ачааны галт тэрэгний машинистууд далан сэтэрснийг анзаарч, галт тэргээ зогсоож чадсан тул онц их хэмжээний хохирол учрахаас сэргийлж чаджээ. 

Уг асуудлаар УБТЗ ХНН-ийн хэвлэлийн ажилтан н.Зоригттой утсаар холбогдон тодруулахад "Өнөөдөр орсон хүчтэй аадар борооны улмаас зам угаагдаж, тасарсан харамсалтай явдал боллоо. Замын далан сэтэрсэн учраас Улаанбаатар-Сайншанд-Замын Үүд чиглэлийн ачаа тээвэр болон суудлын галт тэрэг хуваарийн дагуу аялаагүй. Урагш чиглэлийн төмөр замын бүх хөдөлгөөн зогссон байгаа. Сэтэрсэн даланг сэргээн босгох ажлыг УБТЗ ХНН-ийн дарга Д.Жигжиднямаа газар дээр нь биечлэн удирдаж ажиллаж байгаа"  гэв.

 

Энэ пүүжгэйд явахгүй зам бдгүй гэж үнэн бололтой, Төмөр замаар явж бгаад ус таарангууд сэлээд явах гэж бсан бншдэ. Даанч тэнхлэг нь тулаад далангаасаа бууж чадаагүйн бн https://t.co/ZsDe9IeuQb

— Captain_Болд (@boldbaatarbn) June 21, 2020

---