Канадын Торонто хотод ирсэн Украйны Олон улсын нислэгийн компанийн онгоцноос 500 орчим гөлөг олдсоны 38 нь үхсэн байсныг эх сурвалж бямба гарагт мэдээлжээ. Амьд үлдсэн гөлөгнүүдийн ихэнх нь франц бульдог үүлдрийнх байсан бөгөөд тэдэнд дотор нь муухайрсан, гүйлгэсэн, бөөлжиж бие нь сульдсан шинж тэмдэг илэрсэн байна.

Эдгээр гөлөгнүүдийг зургадугаар сарын 13-ны өдөр Торонтогийн Пийрсон нисэх буудалд газардсан Украйны онгоцноос илрүүлжээ. Хэргийг Канадын цагдаа нар мөрдөн шалгаж эхэлсэн байна. Нисэх буудлын ажилтнууд онгоцны тээшийн хэсэгт олон тооны үхсэн бөгөөд бие нь муу нялх амьтдын байдлыг хараад маш аймшигтай байсныг ярьжээ.

Тус улсад тэжээвэр гөлөгний худалдаа тун ашигтай бизнест багтдаг байна. Нэн ялангуяа цэвэр цусны франц бульдог үүлдрийн гөлөг нэг бүр 3,000-4,000 ам.долларын үнээр зарагддаг ажээ.

Эх сурвалж: The Guardian

---