Сонгинохайрхан дүүргийн 99-р цэцэрлэгийн 2220 метр.кв газрыг 1990 оны үед нэг иргэн өмчилж авчээ. Тухайн иргэн уг газартаа барилгын ажил эхлүүлэхээр нүх ухуулаад орхисон байдалтай олон жил болж байгаа юм.

Ингээд уг газрын зөвшөөрлийг дүүргийн Засаг дарга 2019 онд цуцалж, Нийслэлийн Боловсролын газарт хүргүүлсэн бөгөөд тус газрыг 99 дүгээр цэцэрлэгийн газар руу шилжүүлсэн байна.

НЗД-ын Барилгын түр хашааг стандартын дагуу болгох, барилга угсралтын гадна орчны аюулгүй байдлыг хангуулах хугацаатай үүрэг даалгаврын дагуу УБ Захирагчийн ажлын алба, Хотын стандарт, Газрын алба, НМХГ, СХД-ийн Засаг даргын тамгын газраас бүрдсэн ажлын хэсгийн бүрэлдэхүүн тус цэцэрлэгийн ухсан нүхийг булах, олон жил болсон эвдэрч муудсан хашааг авч уг газрыг шинэчлэхээр болжээ.

Сонгинохайрхан дүүрэгт стандартын шаардлага хангахгүй таван газрын хашаа, хайсыг албадан буулгаад байна.

---